60 zabitdən Hadruta ilk girən qazi ilə bağlı Prezident və Birinci vitse-prezidentə MÜRACİƏT – FOTObackend

60 zabitdən Hadruta ilk girən qazi ilə bağlı Prezident və Birinci vitse-prezidentə MÜRACİƏT - FOTO

Vətən müharibəsinin iştirakçısı, mayor Kazımov Ziya Məhəddin oğlu ilə bağlı Prezident İlham Əliyevə və Birinci vitse-prezident Mehriban Əliyevaya müraciət ünvanlanıb.

KONKRET.az-ın məlumatına görə, bu barədə unikal.org-a açıqlama verən Z.Kazımovun vəkili Bəhruz Bayramov bildirib ki, onun ev dustaqlığına buraxılması üçün məhkəməyə müraciət edib. Vəkilin sözlərinə görə, Z.Kazımovun ev dustaqlığına buraxılması üçün zəruri şərtlər var:

“Əvvəlcə onu qeyd edim ki, Ziya Kazımovun işi 3 il 6 ay öncə başlanıb, amma sonra istintaq hərəkətləri aparılmayıb. İndi iddia olunur ki, guya o, hazırda və bundan sonrakı dönəmdə istintaqa maneə yarada bilər. Halbuki belə bir niyyət olsaydı, 3 il 6 ay ərzində maneə yaradılardı. Digər tərəfdən, əgər onun hər hansı bir təqsiri varsa, bu müddət ərzində necə olub ki, hərbi xidmətini davam etdirib, rütbə və vəzifə alıb, təltif olunub? Biz hesab edirik ki, Ziya Kazımovun həbsdə saxlanmasına ehtiyac yoxdur, onsuz da hər hansı təqsiri olmadan bu qədər müddət həbsdə saxlanılır.

Bundan əlavə, Vətən müharibəsi dövründə Ziya Kazımov travma alıb və səhhətində ciddi problemlər var. Onun müalicəyə ehtiyacı olduğundan ev dustaqlığına buraxılması zəruridir. O, ev şəraitində müalicə alaraq da istintaq davam etdirilə bilər”.

Vəkil qeyd edib ki, Z.Kazımovun təqsirsiz olduğu, qanunsuz olaraq həbsdə saxlanılması və ev dustaqlığına buraxılması ilə bağlı 60 zabitin imzasıyla Prezident İlham Əliyevə, Birinci vitse-prezident Mehriban Əliyevaya müraciət edilib:

“İnanırıq ki, Ziya Kazımovun əsassız olaraq həbsdə saxlanılmasına son vermək, onun ev dustaqlığına buraxılması üçün lazımi qərar veriləcək. Vətən müharibəsi iştirakçısı və qazisinə qarşı haqsızlıq edilməsi qəbuledilməzdir”.

Qeyd edək ki, Ziya Kazımov Cəbrayıl-Füzuli, Cəbrayıl-Hadrut, Hadrut-Füzuli yolunun tam təhlükəsizliyini, o cümlədən, Xüsusi Təyinatlı Qüvvələrin təminat yollarının mühafizəsini təmin edib. Hadruta ilk girən komandirlərdən biridir. Ziya Kazımovun tabeliyində olan hərbi hissə Şuşa ətrafındakı yüksəkliklər uğrunda şərəflə döyüşərək, 44 günlük Vətən müharibəsində düşməni yüzlərlə canlı qüvvə və texnika itkisinə məruz qoyub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*