“Proqnozlaşdırıldığı kimi, Rusiyanın xarici işlər naziri Paşinyanın KTMT-də fəaliyyətin dondurulması ilə bağlı bəyanatına istinad edərək qeyd edib ki, Ermənistan qalmaq və ya çıxmaq barədə nəhayət dəqiq qərar qəbul etməlidir. Təbii ki, bu kontekstdə Rusiya rəsmisi dolayısı ilə bildirir ki, KTMT-dən çıxmaq və ümumiyyətlə, Rusiya Federasiyası ilə münasibətləri heçə endirməyin ağır nəticələri olacaq”.

KONKRET.az xəbər verir ki, bu barədə Tiqran Abramyan öz Facebook səhifəsində yazıb:

“Ehtimal olunur ki, bu, Rusiyanın Ermənistana münasibətdə siyasətinə yenidən baxılması deməkdir. Yəni siyasi, hərbi əməkdaşlıqdan iqtisadi əməkdaşlığa qədər hər şey format olunacaq. Məsələ bunda deyil ki, Ermənistan hökuməti sadəcə olaraq bu diskursu inkişaf etdirəcək. Əsas sual ondan ibarətdir ki, Rusiya Federasiyasına görə, Ermənistan ya şantaj yolunu tutub, ya da İrəvan Avropa İttifaqına doğru yeni kurs tutub. Ona görə də Moskva Ermənistanla hesabları yekunlaşdırmağa çalışır.

Bu vəziyyətdə Ermənistan hökuməti nə edəcək? Bəli, bütün əvvəlki mühüm qərarlarda olduğu kimi, ən pis yolla gedəcək”.

Natiq Səlim,

KONKRET.az