ABŞ-ın Minnesota ştatında Azərbaycana dəstək aksiyası keçirildibackend

ABŞ-ın Minnesota ştatında Azərbaycana dəstək aksiyası keçirildi

İyulun 27-də ABŞ-ın Minnisota ştatında ölkəmizin Tovuz rayonu istiqamətindəki dövlət sərhəddində Ermənistan silahlı qüvvələrinin hərbi təxribatlar törətməsi və bu təcavüzkar ölkənin Azərbaycan torpaqlarını indiyədək işğal altında saxlaması ilə bağlı etiraz aksiyası keçirilib.

KONKRET.az xəbər verir ki, ştatın paytaxtı olan Sent Pol (St Paul) şəhərində baş tutan aksiya Minnisota–Azərbaycan Assosiasiyasının təşkilatçılığı ilə gerçəkləşdirilib. Azərbaycan, Türkiyə və ABŞ-ın dövlət bayraqlarının və müxtəlif şüarlar yazılmış posterlərin bərkidildiyi avtobil karvanı şəhərin küçələrində hərəkər etməklə yerli ictimaiyyətin diqqətini Azərbaycan həqiqətlərinə cəlb edib.

Şəhərin mərkəzində başa çatan avtomobil yürüşünün sonunda “Qarabağ Azərbaycandır!”, “Erməni təcavüzünə son!”, “Ermənistanın işğalçı siyasətinə son!” “Qarabağı azad etməyin vaxtıdır!” şüarları səsləndirilib.

Soydaşlarımız ABŞ Konqresindən, dünya birliyindən və beynəlxalq təşkilatlardan Ermənistanın işğalçı və təcavüzkar siyasətinə son qoyulması, Azərbaycan torpaqlarının işğaldan azad olunması və ölkəmizin ərazi bütövlüyünün bərpa olunması üçün qətiyyətli addımlar atılmasını tələb ediblər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*