Türkiyənin Adana şəhərində son yüz ildə sentyabr ayında ən isti hava temperaturu qeydə alınıb.

KONKRET.az türk mediasına istinadən xəbər verir ki, Türkiyənin bir çox bölgəsində hava yavaş-yavaş sərinləsə də, Adanada termometrlər 39 dərəcəni göstərir. Günəş altında temperaturun hətta 50 dərəcəyə çatdığı deyilir.

İnsanlar sərinləmək üçün daha çox parklara üz tutur.

Sinoptiklər sentyabrın 22-də qeydə alınan temperaturun 1929-2022-ci illər arasında ən yüksək göstərici olduğunu deyirlər. Məlumata görə, bu illər ərzində sentyabr ayında orta temperatur 26,2 dərəcə, ən yüksək orta temperatur isə 33,1 dərəcə olub.

Günel Mikayılova,

KONKRET.az