Rusiya prezidenti Vladimir Putinlə ABŞ-ın xüsusi elçisi Stiv Uitkoff arasında baş tutan görüş müsbət atmosferdə keçib.

KONKRET.az xəbər verir ki, bu barədə Reuters agentliyi Ağ Evdəki mənbəyə istinadən məlumat yayıb.

Ağ Evin nümayəndəsi bildirib ki, Moskva Vaşinqtonla əməkdaşlığı davam etdirməkdə maraqlıdır. Bununla belə, o əlavə edib ki, cümə günü Rusiyaya qarşı ikincil (yəni dolayı) sanksiyalar paketi elan ediləcək.

Qeyd edək ki, Putin–Uitkoff görüşü ABŞ-ın Rusiyaya verdiyi sülh ultimatumundan əvvəl “son şans” kimi qiymətləndirilirdi.

Natiq Səlim,
KONKRET.az