Rusiyanın Xalq artisti Alla Puqaçova 1997-ci ildə qeydiyyatdan keçmiş “Alla Borisovna” ticarət nişanı üzərində hüquqlarını itirə bilər.

KONKRET.az axsam.az-a istinadən xəbər verir ki, bunu “RİA Novosti”nin dərc etdiyi “Rospatent”in elektron məlumat bazasının məlumatları sübut edib.

Sənədlərə görə, dəfələrlə uzadılan əmtəə nişanının müddəti 25 aprel 2026-cı ildə bitir. Müğənni onun daha da uzadılması üçün tədbir görməsə, Alla Borisovna brendinə olan hüquqlar itirilə bilər.

Rospatentdə qeydiyyata uyğun olaraq, Rusiyada bu ticarət nişanı altında geyim, papaq, tütün məmulatları, oyuncaqlar və daha çox şey daxil olmaqla geniş çeşiddə malların istehsalına və satışına icazə verilir.

Xatırladaq ki, Ukraynada xüsusi hərbi əməliyyat başlayandan sonra Alla Puqaçova əri Maksim Qalkin (Rusiya Federasiyasında xarici agent kimi tanınıb) və uşaqları ilə birlikdə Rusiyanı tərk edərək İsrailə köçüb. Hazırda ailə İsrail pasportlarına və Kipr vətəndaşlığına malik olmaqla dünyanı aktiv şəkildə gəzir. (Axşam.az)