Ağır yaralanan və müalicə üçün “YAŞAT” Fondu tərəfindən Türkiyəyə göndərilən altı qazimiz sağalaraq vətənə geri dönüb.

KONKRET.az-a bu barədə “YAŞAT” Fondundan məlumat verilib.

Vətənə dönən qazilərimizin siyahısı:

1. Quliyev Adil Şahbaz oğlu
2. Əliyev Ruslan Mustafa oğlu
3. İlkin Rüstəmli Elçin oğlu
4. Əliyev Qismət Nəsib oğlu
5. Ağaşov Qulu Rövşən oğlu
6. Vəçhiyev Çingiz Məmməd oğlu

Onların Türkiyədəki müalicə proseduru artıq uğurla yekunlaşıb. Həmin şəxslərin qarşıdakı aylarda müalicəsi üçün nəzərdə tutulan dərman vasitələri də fond tərəfindən təmin edilib.

“YAŞAT” Fondu tərəfindən Türkiyədən ölkəmizə gətirilən, həmçinin yerli həkimlərin rəyi nəzərə alınaraq hazırda daha 62 qazimizin müvafiq müayinə, müalicə və reabilitasiya prosesi Türkiyədə davam etdirilir.

“YAŞAT” Fondu qazilərimizin müalicəsini tam yekunlaşana qədər nəzarətdə saxlayacaq. Xatırladaq ki, “YAŞAT” Fonduna müraciət etmək və fondun fəaliyyəti ilə tanış olmaq üçün yashat.gov.az portalı istifadədədir.

Fondun hesabatlılığı ilə tanış olmaq üçün keçid: https://yashat.gov.az/report/tableau

Həmçinin Fondun 8110 “Çağrı” Mərkəzi fəaliyyət göstərir.