Amerikalı qaydasız döyüş (MMA) ustası Kolbi Kovinqton müsahibə verərək rusiyalı həmkarı Həbib Nurməhəmmədovla yarışmaq ehtimalı barədə danışıb.

“Həbibə qarşı döyüş mənim üçün yüngül şey olardı. Belə bir döyüş mümkündür – biz aralıq çəkidə görüşə və hazırda ən yaxşı döyüşçü ünvanıı uğrunda döyüşə bilərdik. Mən elə bir zəhmət çəkmədən onun öhdəsindən gələrdim. Bu, asan qələbə olardı”, – Kovinqton bəyan edib.

Avqustun 4-də o, yarımorta çəkidə keçmiş UFC çempionu Robbi Loulerlə döyüşməlidir. Kovinqton peşəkar karyerası boyunca 15 döyüş keçirib, 14-də qalib gəlib, yalnız bir dəfə məğlub olub.
Nurməhəmmədov isə MMA-ya sentyabrın 7-də qayıdacaq. Həmin gün o, Abu-Dabidə amerikalı Dastin Porye ilə döyüşəcək. Rusiyalı idmançı indiyədək 27 döyüş keçirib, 27 qələbə qazanıb.

Konkret.az