Rəsmi İrəvan hələlik Ermənistanın xarici işlər naziri Ararat Mirzoyanın “3+3” formatı çərçivəsində nazirlərin görüşündə iştirak edib-etməyəcəyini açıqlamayıb.

KONKRET.az xəbər verir ki, bu barədə “Armenpress” agentliyinə açıqlamasında idarənin mətbuat katibi Ani Badalyan bildirib.

Onun sözlərinə gğrə, Xarici İşlər Nazirliyi rəhbərinin iştirakı ilə keçirilən görüşlər barədə vaxtında məlumat verilir və bu, həmin mövzuya da aiddir.

Xatırladaq ki, xarici işlər nazirlərinin “3+3” formatında görüşü Türkiyədə keçiriləcək. Nazirlərin əvvəlki görüşü ötən ilin oktyabrında Tehranda baş tutub.

Platformada Azərbaycan, Ermənistan, İran, Rusiya və Türkiyə iştirak edir, Gürcüstan isə görüşlərə qatılmır.

İlkanə Şəvəqqət,

KONKRET.az