“Ermənistan-Rusiya hərbi-siyasi ittifaqını və erməni-rus qardaşlığını xilas edin, qoruyun, inkişaf etdirin və onu daima göz bəbəyiniz kimi qoruyun”.

KONKRET.az xəbər verir ki, bu çağırışla “Erməni qartalları” partiyasının sədri, polkovnik Xaçik Asryan çıxış edib.

“1988-ci ildən bütün yetkin həyatım boyunca qəti inamım var ki, Ermənistanın əsl hərbi-siyasi müttəfiqi Rusiyadır və artıq 35 ilə yaxındır ki, mən, demək olar ki, hər gün Ermənistanın daim möhkəmlənməsinə, Ermənistan-Rusiya münasibətlərinin inkişafına öz töhfəmi vermişəm və verməkdə davam edirəm.

Baxmayaraq ki, son altı il ərzində Ermənistan və Rusiya və erməni-rus qardaşlığı arasında hərbi-siyasi müttəfiqlik səviyyəsi tarixi sıfıra endirilib (sırf hərbi-siyasi ittifaqı məhv edən Ermənistanın indiki hökuməti sayəsində).

Ermənistan-Rusiya siyasi birliyi və erməni-rus qardaşlığını namuslu, fədakar, cəsarətli, korrupsiyaya uğramayan, əzmkar bir komanda xilas etməli, qorumalı, inkişaf etdirməli və göz bəbəyi kimi daim qoruyub saxlamalıdır.

Yeri gəlmişkən, “Erməni qartalları”nın könüllü döyüş dəstəsinin 2022-ci il fevralın 24-də Rusiya Federasiyasının prezidentinə rəsmi müraciəti olub. “Donbasa gedin və Rusiya Müdafiə Nazirliyinin tərkibində 44 günlük müharibə boyu daim maraqlarını müdafiə edən və Azərbaycana hərbi-siyasi dəstək verən Ukrayna hakimiyyətinə qarşı hərbi əməliyyatlarda iştirak edin!”.

Natiq Səlim,

KONKRET.az