Ötən həftə Avstraliyanın Viktoriya əyalətindəki “Budj Bim” Milli Parkında yüzlərlə koala helikopterlərdən açılan atəş nəticəsində öldürülüb.
KONKRET.az xəbər verir ki, səlahiyyətlilər meşə yanğınlarından sonra ciddi şəkildə yaralanan, susuz qalan və aclıqdan əziyyət çəkən koalaları “evtanizasiya etmək” məcburiyyətində olduqlarını bildiriblər.
Lakin heyvan hüquqları müdafiəçiləri sağlam koalaların da hədəfə alındığını iddia ediblər.
Bu heyvanları öldürmək üçün snayperlərdən istifadə olunur. Heyvanları müdafiə edən təşkilatlar, əməliyyatdan sonra bir çox körpə koalanın anasız olduğunu və onların sağ qalma ehtimalının azaldığını bildiriblər.
Aynurə İsmayıl
KONKRET.az