Qazaxıstanın ədliyyə naziri Əzəmət Eskarayevə brifinq zamanı “Ayka siyahısı” adlanan şəxsi məlumatların yer aldığı sənədlərin siyahısını sızdıranların hansı cəzaya məruz qalacağı və fahişəliyi leqallaşdırmağın mümkün olub-olmaması ilə bağlı sual verilib.

KONKRET.az “Tengrinews.kz”a istinadən xəbər verir ki, nazir həmin sualı təmkinlə qarşılayıb: “Hərəkətlərə, qanunauyğunluğa gəlincə, mən hesab edirəm ki, bu, daha çox Daxili İşlər Nazirliyinin məsuliyyət sahəsidir. Bildiyimə görə, orada müvafiq yoxlamalar təkbaşına aparılır, ona görə də hesab edirəm ki, bunun bir hissəsi kimi biz yoxlamanın nəticələrini gözləyəcəyik. Qazaxıstanlıların şəxsi məlumatlarının yayılması onları narahat etdiyindən Daxili İşlər Nazirliyi müvafiq yoxlama aparır”.

Qazaxıstanda fahişəliyin leqallaşdırılmasının zəruriliyinə gəlincə, Eskarayev bildirib ki, bu məsələ Ədliyyə Nazirliyi tərəfindən nəzərdən keçirilmir. İddialara görə, “Ayka siyahısı” şəbəkə təşkil etdiyinə görə saxlanılan “məşhur blogger” Love Aykanın telefon kitabçasından əldə edilib. 2023-cü ilin dekabr ayının əvvəlində isə paylaşılıb. Bura təkcə tanınmış qazax müğənniləri və musiqiçiləri, dövlət mükafatları laureatları, iri biznes nümayəndələri, Qazaxıstanın iri maliyyə institutlarının, universitetlərinin və digər qurumlarının əməkdaşları deyil, həm də elit fahişələrin özlərinin məlumatları daxil idi”.

Xatırladaq ki,dekabrın 11-də Qazaxıstan Respublikasının Daxili İşlər Nazirliyi “Ayka siyahısı”nın şəbəkəyə sızması ilə bağlı araşdırma apardığını açıqlayıb.

Vəli Həsənov,

KONKRET.az