“Rusiya hərbi bazasının Ermənistanda olmasının səbəbini hamımız bilirik və indi heç nəyi dəyişməyə əsas yoxdur”. KONKRET.az xəbər verir ki, bu barədə Vaşinqtonda Azərbaycanın ABŞ-dakı səfirliyinin əməkdaşlarının Ermənistan ərazisindəki rus qoşunlarının mövcudluğunun ölkənin suverenliyi ilə necə uyğun gəldiyi barədə suala cavabında Ermənistanın ABŞ-a səfər edən parlament nümayəndə heyətinin rəhbəri Lilit Makunts bildirib.
“Bu sualın cavabı Ermənistan-Türkiyə sərhəddinin qorunmasıdır. Ölkə ərazisində hərbi bazanın yerləşdirilməsi qərarı qarşılıqlı razılıq ilə qəbul edilib və indi bunun dəyişdirilməsinə heç bir əsas yoxdur”, – deyə Lilit Makunts cavab verib.
O, həmçinin qeyd edib ki, Ermənistan-Amerika münasibətlərini institusional sferaya köçürməyin vaxtı çatıb ki, bu münasibətlər təkcə fərdlər baxımından deyil, həm də qarşılıqlı maraqlar zəminində inkişaf edə bilsin.
Qeyd edək ki, Ermənistan-Amerika parlament dostluq qrupu bu günlərdə ABŞ-dadır.
Sualın cavabından da göründüyü kimi, Lilit Makunts Azərbaycanın ABŞ-dakı diplomatlarının sualı qarşısında aciz qalıb.