Azərbaycan, Gürcüstan və Qazaxıstan yüklərin daşınması üzrə müştərək şirkət qurduqlarını bəyan edib.
KONKRET.az xəbər verir ki, Gürcüstanın iqtisadiyyat naziri Levan Davitaşvilinin verdiyi açıqlamaya görə, Gürcüstan, Azərbaycan və Qazaxıstan dəmir yollarının müqaviləsi əsasında birgə şirkət yaradılıb. Bu şirkət Çindən Avropaya Mərkəzi Dəhliz üzrə konteyner yüklərinə xidmət göstərəcək. Bu dəhliz Çin, Qazaxıstan, Xəzər dənizi, Azərbaycan və Gürcüstandan keçməklə Türkiyə ərazisindən Avropa ölkələrinə çatan beynəlxalq nəqliyyat dəhlizidir.