Cari ilin yanvar-fevral aylarında Azərbaycanda 1,1 milyon tona yaxın neft emal edilib.

KONKRET.az xəbər verir ki, bu barədə Energetika Nazirliyi məlumat yayıb.

Nazirliyin məlumatına əsasən, 2023-cü ilin yanvar-fevral aylarında Azərbaycanda 1,1 milyon. ton neft emal olunub. Beləliklə, illik müqayisədə cari ilin yanvar-fevral aylarında neft emalı göstəricisi dəyişməyib.

Xatırladaq ki, ötən il Azərbaycanda 6,5 mln. tona yaxın neft emal edilib, bu da illik müqayisədə 4,84% çoxdur.

Qeyd edək ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.