Valideynlərini itirmiş uşaq (adı açıqlanmayıb) qəyyumluğa götürdüyü xalası tərəfindən davamlı olaraq işgəncəyə məruz qalıb.

KONKERT.az xəbər verir ki, bu barədə Qadın və Uşaq sığınacağının rəhbəri Mehriban Zeynalova məlumat verib. Onun bildirdiyinə görə, anası dünyasını dəyişmiş, atası isə həbsxanada vəfat etmiş uşağın vəziyyəti ciddi narahatlıq doğurur.

Qeyd edilib ki, hadisə ilə bağlı Ailə, Qadın və Uşaq Problemləri üzrə Dövlət Komitəsi uşaqın vəziyyətini araşdırır. Komitənin açıqlamasında qeyd olunur ki, faktın başvermə səbəbləri müəyyənləşdirilir, ailə mühitində zorakılığın qarşısının alınması üçün müvafiq tədbirlər görülür.

Müvafiq qurumlar uşağın təhlükəsizliyinin təmin olunması və hüquqlarının qorunması məqsədilə prosesi diqqətlə izləyir.

KONKRET.az