Fövqəladə Hallar Nazirliyi Bakı şəhərinin Yasamal rayonu ərazisində yerləşən süni göldə batan yeniyetmə ilə bağlı məlumat yayıb.

KONKRET.az-ın FHN-nin saytına istinadın verdiyi məlumata görə, 2006-cı il təvəllüdlü Novruzov Elşən İmdad oğlunun axtarışları başa çatıb.

E.Novruzovun meyiti Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq aidiyyəti üzrə təhvil verilib.

***

17:24

Bakı şəhəri, Yasamal rayonunda göldə ölüm hadisəsi baş verib.

KONKRET.az xəbər verir ki, hadisə Yasamal parkının yaxınlığında qeydə alınıb.

Belə ki, 15 yaşlı oğlan göldə boğulub.

Onun axtarışları davam edir.