Havalar isindikcə çimərliyə üz tutuanların sayı artır. Məqsəd eyni – istirahət etmək və sərinləmək olsa da qiymətlərdə fərqlilik özünü göstərir. Belə ki, Bakıda fəaliyyət göstərən ödənişli çimərliklərin sayı kifayət qədərdir.

KONRKET.az Valyuta.az-a istinadla bəzi ödənişli çimərliklərin qiymətini təqdim edir:

“Seabreeze”

Bu çimərliyə giriş 50 manatdır. Qiymətə dəsmal, bu ərazidəki hovuzlar və çimərlik daxildir.

“Dalğa Beach”

Çimərliyə həftə içi giriş 30,40 manatdır. 0-6 yaş uşaqlar üçün ödənişsiz, 6-13 yaşa qədər uşaqlar üçün isə 15 manat təyin olunub. Dalğa Beach”də xanımlar üçün ayrı, qapalı hovuz da mövcuddur.

“Amburan”

“Amburan” çimərliyi üçün təyin olunmuş qiymət 25 manatdır. Qeyd edək ki, girişdə şəxsiyyət vəsiqəsi tələb olunur. Boyu 1.35 və 9 yaşadək uşaqlar üçün giriş isə 15 manat müəyyən olunub. Lakin həftə sonu giriş 35 manat olur.

“Narşərab”

Bu çimərliyə həftə içi 20, həftə sonu isə 25 manat manata getmək olar.

“Qum Bar Beach”

Bu çimərliyə giriş pulsuzdur. Lakin yanlız xüsusi oturacaqlara ödəniş təyin olunub. Belə ki, 4 nəfərlik üçbucaq formada xüsusi oturacaqlar üçün 40 manat, 6 nəfərlik dördbucaq oturacaqlar üçün isə təyin olunmuş qiymət 50 manatdır.

Bundan başqa, “Miracle” çimərliyinə 15 manata, “Glam”a 10 manata, “Mambo” çimərliyinə is 20-25 manatlıq qiymətlərlə getmək mümkündür.

Novxanıda yerləşən “My Beach” və “Spring” çimərliyinin həftə içi qiyməti 20, həftə sonu isə 25 manatdır.