Türkiyənin Burdur şəhərində telefonuna başı qarışan şəxs bələdiyyənin təmir işləri apardığı “lyuk”un içinə düşüb.
KONKRET.az “TRT Haber”ə istinadən xəbər verir ki, hadisə yaxınlıqdakı iş yerinin təhlükəsizlik kamerasına düşüb.
Belə ki, bələdiyyə işçiləri kanalizasiya quyusunun qapağını açıb yaxınlaşan maşına istiqamət verərkən, səkidə gedən şəxs “lyuk”un açıq olduğunu görməyib.
Heç bir xəsarət almayan vətəndaş bələdiyyə əməkdaşları tərəfindən təxminən 1 metr dərinlikdən çıxarılıb.