Belarusdan Azərbaycana gətirilən 41 tondan çox kartofda zərərvericilər aşkar edilib.
KONKRET.az xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.
“Lars 77” MMC-nin müraciəti əsasında Agentliyin əməkdaşları Belarusdan gətirilən kartofdan nümunələr seçərək Qida Təhlükəsizliyi İnstitutunun müvafiq laboratoriyasına təqdim ediblər.
Aparılan analizlərin nəticələrinə görə, ümumi çəkisi 20 980 kq olan kartof partiyasında – kartofun qəhvəyi bakterial çürüməsi, ümumi çəkisi 20 450 kq olan kartof partiyasında isə üzük çürüməsi aşkar edilib.
Qanuna uyğun olaraq istehlaka yararsız məhsulların utilizasiyası barədə qərar qəbul edilib.