Martın 21-də Beynəlxalq Türk Akademiyası Qazaxıstanın Nur-Sultan şəhərində Novruz şənliyi təşkil edib.
KONKRET.az- ın Mərkəzi Asiya ölkələri üzrə bürosu xəbər verir ki, akademiyanın yeni binasında keçirilən bayram tədbirində Beynəlxalq Türk Akademiyasının prezidenti Darxan Kıdırəli, Qırğız Respublikasının Nur-Sultandakı səfiri Dastan Duşekeyev, Özbəkistan Respublikasının Nur-Sultandakı səfiri Səidikram Niyazxocayev, Türkmənistan Respublikasının səfiri Batır Rəcəpov, Monqolustanın Nur-Sultandakı səfiri Dorjiin Bayarkhuu, Macarıstanın Nur-Sultandakı səfiri Otto İvan Rona, Tacikistan Respublikasının Nur-Sultandakı səfiri Xayrullo İbozodu, Türkiyə Cümhuriyyətinin Səfiri Nur-Sultan səfiri Turhan Dilmaç, Azərbaycan Respublikasının Nur-Sultandakı səfirliyinin müşaviri Rövşən Kazımov, Qazaxıstan Respublikası parlamentinin deputatları, aparıcı media qurumlarının və etnik-mədəni mərkəzlərin rəhbərləri və ziyalılar iştirak ediblər.
Tədbir iştirakçıları Türk Muzeyi ilə tanış olub, həmçinin Qazaxıstan və Tacikistan Respublikalarının səfirlikləri tərəfindən təşkil olunmuş sərgiyə baxıblar.
Bundan əlavə, dövlət xadimi və alim Adil Əhmədov iştirakçıların Novruz bayramını təbrik edib.
Tədbir iştirakçıları Əhməd Baydursunoğlunun anadan olmasının 150 illiyi münasibətilə qazax, rus və ingilis dillərində nəşr edilmiş “Əhməd Baydursunoğlu və Alaş” kitabının təqdimat mərasimində də iştirak ediblər. Bu kitabda Baydursunoğlunun, onun müasirlərinin və tələbələrinin 50 illik yubileyində söylədiyi tarixi çıxışlar, müasir tədqiqatçıların geniş məqalələri yer alıb.
Beynəlxalq Türk Akademiyasının prezidenti Darxan Kıdırəli yeni kitabları təqdim edərək 2022-ci ili Türk Dünyasında rəsmən “Əhməd Baydursunoğlu ili” elan edib.
Səfirlər isə öz növbəsində təbrik nitqləri ilə çıxış edərək, tədbirin təşkilatçılarına öz minnətdarlıqlarını və Novruz bayramı münasibətilə ən xoş arzularını çatdırıblar.
Bundan əlavə, tədbir iştirakçıları yeni ilin qarşılanması çərçivəsində Türk Dünyasının qədim adət-ənənəsinə uyğun olaraq “çəkiclə qılınc hazırlanması” mərasimində iştirak ediblər. Türk Akademiyası bu mərasimi hər il ənənəyə çevirərək təşkil edir.
Daha sonra mərasim iştirakçıları Türk Akademiyasının təsis etdiyi rəmzi ölkəyə gedərək, Novruz münasibətilə hazırlanan yeməklərdən dadıblar.
Əhəmiyyətli tədbirə qatılan səfirliklərin hər biri öz milli yeməklərindən ibarət bayram süfrəsi hazırlayıb. Akademiyanın prezidenti qonaqlara ölkənin strukturu və bəzəyi haqqında məlumat verib.
Şənliyin sonunda iştirakçılara Türkiyə Akademiyası tərəfindən xüsusi hazırlanmış hədiyyələr təqdim olunub.
