Dünyanın ən varlı adamı, LVMH (“Louis Vuitton Moet Hennessy”) şirkətlər qrupunun prezidenti Bernard Arno bir gündə 11,2 milyard dollar itirib.

KONKRET.az xarici KİV-ə istinadən xəbər verir ki, mayın 23-də şirkətin səhmləri Paris birjasında 5% ucuzlaşıb.

Bloomberg Milyarderlər İndeksinə görə, mayın 23-ü axşam saatlarında Bernard Arnonun sərvəti 191,6 milyard dollar olub.

Qeyd edək ki, “Louis Vuitton”, “Celine”, “Kenzo”, “Givenchy”, “Christian Dior”, “Fend”, “Hennessy”, “Bulgari” və “Sephor” kimi markaları özündə birləşdirən LVMH-in son bir ildə səhmləri 23% artıb. Bunun fonunda 2023-cü ilin yazında “Bloomberg” və “Forbes” Bernard Arnonu dünyanın ən zəngin adamı adlandırıb.

İqbal Rzayev,

KONKRET.az