“Apple”ın 2007-ci ildəki ilk nəsil 4GB smartfonu hərracda 145 min funta satılıb.

KONKRET.az xarici KİV-ə istinadən xəbər verir ki, hərraca çıxarılan smartfonun ilkin qiyməti 75 min funt-sterlinq olub.

Məlumata görə, hərrac zamanı lotun qiyməti təxminən iki dəfə artıb.

Təşkilatçılar bildiriblər ki, əlçatmaz model “iPhone” kolleksiyaçıları arasında məhdud istehsalına görə qiymətli hesab olunur.

Qeyd edək ki, 2007-ci ildə smartfonların 8 GB yaddaşa malik modelləri məşhur olub, 4 GB olan versiyalar isə məhdud sayda istehsal edilib.

İqbal Rzayev,

KONKRET.az