Böyük Britaniyanın ərzaq mağazalarında oğurluqların sayı son 10 ildə maksimum artıb. Bu, yaşayış minimumunun kəskin artması fonunda baş verir.

KONKRET.az yerli KİV-ə istinadən xəbər verir ki, 2022-ci ildə 1,1 milyondan çox oğurluq hadisəsi baş verib. Bir il əvvəl isə 970 min belə cinayət qeydə alınıb.

Qeyd olunub ki, ət, spirt və qənnadı məmulatları tez-tez oğurlanır. Son sorğuya əsasən, respondentlərin 80%-i yaşayış minimumunun artmasının oğurluqların çoxalmasına səbəb olduğunu düşünür.

Nəticədə mağazalar rəflərə daha az mal qoymağa başlayıb.

Bildirilib ki, Britaniyada bəzi mağazalar bahalı ətlərin tez-tez oğurlanmasından sonra mühafizəçilərin sayını artırır. Hakimiyyət orqanları oğurluğun çoxalmasını ərzaq qiymətlərinin kəskin artması ilə əlaqələndirir.

Oğrular ən çox “Marks & Spencer Food” və “Waitrose” mağazalarına hücum edirlər.

İqbal Rzayev,

KONKRET.az