Bu gün Brüsseldə mədəniyyət və əyləncə mərkəzlərinin bağlanmasına qarşı keçirilən etiraz aksiyasında 5 mindən çox insan iştirak edib.

KONKRET.az xəbər verir ki, bu barədə jurnalistlərə şəhər polis idarəsinin sözçüsü İlze Van De Keyre məlumat verib.

Onun sözlərinə görə, aksiya icazəli xarakter daşıyıb və insidentsiz başa çatıb.

Aksiyanın təşkilatçıları isə aksiyada 15 minə qədər insanın iştirak etdiyini iddia edib.

Qeyd edək ki, bu gündən Brüsseldə karantin rejimi çərçivəsində 50-dən çox teatr və kinoteatrın fəaliyyəti dayandırılıb.