Donald Trampın ABŞ prezident seçkilərində qələbəsi Türkiyəni Ukrayna münaqişəsinin həllinə yönəlmiş vasitəçilik səylərini aktivləşdirməyə sövq edə bilər.

KONKRET.az xəbər verir ki, bu barədə Türkiyənin “Hürriyyət” nəşri yazıb.

Qeyd edilib ki, Trampın seçki kampaniyası zamanı əsas vədlərindən biri Ukraynadakı münaqişəyə son qoymaq olub:

“Putin Trampın qalib gələcəyini gözləyirdi və ABŞ-ın dəstəyini itirmiş Zelenski ilə sülh danışıqları masasına oturmağa ümid edirdi. Putinin hesablaması doğru çıxdı. Bu proses Prezident Ərdoğanı ön plana çıxara bilər, çünki o, Putin, Zelenski və Trampla danışa bilən yeganə liderdir”./axaraz