Almaniyanın “BMW” avtomobil konserni texnoloji yenilikləri təqdim edib. Belə ki, yeni “BMW 5 Series” sürücüyə güzgüyə baxarkən zolaqları dəyişməyə imkan verəcək.

KONKRET.az xarici mediaya istinadən xəbər verir ki, hələlik bu funksiya yalnız avtopilot sistemi üçün tətbiq edilib.

Belə ki, artıq dönmə siqnalı qolundan istifadə etməyə ehtiyac yoxdur, bunun üçün yan güzgüyə baxmaq kifayətdir. Sistem qarşıdakı avtomobillərdən məsafə saxlaya bilir, zolaq sərhədlərini görür və müstəqil olaraq növbəti zolağa keçə bilir.

Eyni zamanda, əllərinizi sükanda saxlamağa ehtiyac yoxdur, sistem hər şeyi özü edir.

Qeyd edək ki, səkkizinci nəsil “BMW 5 Series“in istehsalına başlanılması bu yay planlaşdırılır.

İqbal Rzayev,

KONKRET.az