“2021-ci il dövlət büdcəsi tarixə düşəcək bir büdcə, zəfər büdcəsidir”.
KONKRET.az xəbər verir ki, bunu millət vəkili Məlahət İbrahimova deyib.
Deputatın sözlərinə görə, 2021-ci ildə büdcədə bütün sosial təbəqəni əhatə edəcək artımlar olacaq:
“Əmək pensiyalarını əhatə edən qanun layihəsində, nəzərdə tutulmuş maddəyə dəyişiklik olunub. Əmək pensiyasının sığorta hissəsinə olan əlavələr bəzi hallarda sosial sığorta prinsiplərini zəiflədirdi. Bu, vətəndaşlarda müəyyən narahatlıqlar yaradırdı. Hazırda isə bu, çox sadələşdirilmiş formada təsis olunub.
Şəhid ailələrinə, Vətən müharibəsi qazilərinə müavinətlərin verilməsi təşkil olunacaq. Təkcə müharibədə deyil, hər hansı səbəbdən əlilliyi olan vətəndaşlara da müavinətlər şamil olunacaq.
2021-ci ilin büdcəsində nəzərə çarpacaq dərəcədə artım nəzərdə tutulub və bu artımlar bütün sahələri əhatə edəcək”.