Milli Məclisin Mədəniyyət komitəsinin sədri Qənirə Paşayeva Şuşada böyük Bülbülün ev-muzeyini ziyarət edib.

KONKRET.az xəbər verir ki, millət vəkili Bülbülün ev muzeyində nümayiş olunan büstlərinə diqqət çəkərək, bunun erməni vandalizminin nümayişi olduğunu vurğulayıb. Belə ki, Bülbülün ev muzeyində onun ermənilər tərəfindən 1992-ci ildə işğal zamanı güllələnən büstü ilə yanaşı, yeni büstü də qoyulub.

Millət vəkili bildirib ki, Bülbülün ev muzeyi artıq başa çatmaq üzrədir və ziyarətçilərin üzünə açılıb.

“Bülbülün evinin, ev muzeyinin bağçasından bir neçə ağ gül dərdim onun məzarına qoymaq üçün. Ruhu şad olsun!” – millət vəkili qeyd edib.