Qırğızıstanda bu xəbər böyük rezonans yaradıb. Belə ki, paytaxt Bişkek sakini Meerim Çerikbaeva özünü dünyadakı möminlər tərəfindən gözlənilən Məhəmməd Peyğəmbərin varisi elan edib. Konkret.az “AKIpress”-ə istinadən xəbər verir ki, o, bu barədə sentyabrın 19-da xüsusi olaraq təşkil olunmuş mətbuat konfransında bəyan edib. Gənc qadının 33 yaşı olduğu deyilir. Yalançı varis deyib ki, səkkiz il əvvəl o, xəstələnib. Həkimlər onun xəstəlyiinə diaqnoz qoymaqda çətinlik çəkib. Bütün bu müddətdə işləyə bilməyib, yalnız insanlarla ünsiyyət qurub və sonradan şəhərdən çıxmaq məcburiyyətində qalıb. 2015-ci ildə Meerim yuxusunda “Mehdi” sözünün alnına yazıldığını (Mehdi islamda: Dünyanın sonunda görünəcək İmam.) vurğulayıb. O, jurnalistlərə qara və böyük bir möhür göstərib. “Bu möhür yalnız mənə verildi. Namaz qılırdım, amma heç vaxt peyğəmbərlik xəyalıma gəlməyib. O vaxt namaz oxuyanda alnımda parlaq şüalar var idi”, – deyən Meerim deyib ki, səkkiz ildir tək yaşayır, Sahibi-Zaman kimi o, qohumları və dostları ilə əlaqə qura bilmir. O, qeyd edib ki, istənilən an sarsıla bilər və ətrafdakılara yaxınlaşa bilməz. “Artıq gizlənə bilmərəm. Mənim vəzifəm deməkdir. Dünyaya üzümü tuturam, başqa Mehdini gözləməyin...”

“…Yaradan mənə bunu da göstərdi . O mənə insanın bütün mahiyyətini görmək üçün hədiyyə verdi. Məsələn, görürəm ki, bir adam bədbəxt görünür, evsiz, pul olmadan gəzir, amma əslində çox xoşbəxtdir. Cəmiyyətə xoşbəxt görünən zəngin bir ailəni görürəm. Onlar gülümsəsə də, amma əslində bədbəxtdirlər. Allah mənə insanlar haqqında hər şeyi söyləyir”,– deyə yalançı Mehdi vurğulayıb: “Mənə bir neçə metrdən daha yaxınlaşmaq olmur. Gözlərim kor olduğuna görə həmişə eynəklə getmək məcburiyyətindəyəm. Buna görə də insanlarla yalnız mətbuat konfranslarında və ya kitablar vasitəsilə əlaqə qura bilərəm”.

Qeyd edək ki, onun bu mesajı bütün dünya müsəlmanlarında ikrah hissi oyadıb. Artıq Səudiyyə Ərəbistanı, İran, İraq İndoneziya və digər ölkələrdə ona lənətlər yağdıran dualar oxuyublar. Bütün dünya qızın ittiham olunmasını istəyir. Bu xəbər Qırğızıstan  ictimaiyyətini dərindən sarsıdıb.

Konkret.az