“Çinin xaricdəki səfirlikləri və konsulluqları viza rüsumlarını vizanın rəsmiləşdirilməsinin cari dəyərinin 75%-nə qədər azaldacaq”.

KONKRET.az xarici mediaya istinadən xəbər verir ki, bu barədə Çin Xarici İşlər Nazirliyinin sözçüsü Vanq Venbin brifinq zamanı bildirib.

Onun sözlərinə görə, söhbət 2023-cü il dekabrın 11-dən 2024-cü il dekabrın 31-dək qüvvədə olacaq müvəqqəti tədbirdən gedir. O, bütün Çin səfirlikləri və konsulluqları tərəfindən tətbiq olunacaq. “Təfərrüatları dəqiqləşdirmək üçün müəyyən bir ölkədəki Çin səfirliyi və ya konsulluğu ilə əlaqə saxlamalısınız”, – deyə idarənin nümayəndəsi vurğulayıb.

Vanq Venbin əlavə edib ki, Çin hakimiyyəti ölkə vətəndaşlarının xaricə səyahət imkanlarını sadələşdirməyə davam etmək, eləcə də turizmin inkişafı üzərində işi davam etdirmək niyyətindədir.