Çinin Quandun əyalətində “Tapa” qasırğası ilə əlaqədar 41 mindən çox insan təhlükəsiz ərazilərə təxliyə olunub.

KONKRET.az xəbər verir ki, bu barədə “Sinxua” agentliyi məlumat yayıb.

Bildirilib ki, Tayşan şəhərində təxminən 120 min şagirdin təhsil aldığı 182 məktəb və uşaq bağçasında dərslər dayandırılıb. Bundan əlavə, bütün Tsyanmen şəhəri üzrə ümumilikdə 41 mindən çox sakin təhlükəli zonalardan köçürülüb.

Qeyd olunur ki, tayfunun episentrində küləyin maksimal sürəti saniyədə 30 metrə çatıb.