Astroloqların proqnozlarına görə, bu ilin yanvar ayı bəzi bürclər üçün xüsusilə riskli dövr kimi dəyərləndirilir. Planetlərin gərgin düzülüşü, xüsusilə Merkuri və Marsın təsiri bir sıra sahələrdə gözlənilməz problemlərə yol aça bilər. Mütəxəssislər xəbərdarlıq edir ki, bu ay emosional qərarlar, maliyyə riskləri və münasibətlərdə anlaşılmazlıqlar daha çox ön plana çıxacaq.

KONKRET.az “Yeni Sabah”a istinadən xəbər verir ki, astroloji şərhlərə əsasən, yanvar ayı ən çox Qoç, Xərçəng, Əqrəb və Oğlaq bürcləri üçün çətin keçə bilər. Qoçlar üçün bu dövr tələskən qərarların ağır nəticələr doğura biləcəyi bir mərhələ kimi qiymətləndirilir. İş həyatında və şəxsi münasibətlərdə səbirsizlik konfliktləri dərinləşdirə bilər. Xərçəng bürcü altında doğulanlar isə emosional baxımdan həssas olacaqlar. Ailə və yaxın çevrə ilə bağlı məsələlərdə yanlış anlaşılmalar yaranması mümkündür.

Əqrəblər üçün yanvar ayı xüsusilə maliyyə sahəsində riskli sayılır. Gözlənilməz xərclər və uğursuz investisiya qərarları bu bürcün nümayəndələrini çətin vəziyyətə sala bilər. Oğlaqlar isə karyera ilə bağlı təzyiq hiss edə bilərlər. Gözləntilərin artması və məsuliyyət yükünün ağırlaşması psixoloji gərginliyə səbəb ola bilər.

Məsələ ilə bağlı Çin astroloqu Lin Çjao da diqqətçəkən fikirlər səsləndirib. O bildirib ki, Çin təqviminə görə də ilin ilk ayı enerji balansının zəiflədiyi dövr hesab olunur.

Onun sözlərinə görə, xüsusilə qərb astroloji sistemində riskli sayılan bürclər Çin astroloji elementləri baxımından da uyğun olmayan enerji axını ilə üz-üzədir. O vurğulayıb ki, bu dövrdə səbrli olmaq, böyük qərarları təxirə salmaq və sağlamlığa daha çox diqqət yetirmək vacibdir.