Əfqanıstanın müxtəlif şəhərlərində bu həftənin əvvəlindən, ölkə rəhbərliyi qadınların universitetlərdə təhsil almasına qadağa qoyulduğunu elan etdikdən sonra etiraz aksiyaları keçirilir.

KONKRET.az xarici KİV-ə istinadla xəbər verir ki, Herat şəhərində nümayiş keçirən qadınlara qarşı təhlükəsizlik qüvvələri su şırnaqlarından istifadə edib.

Heratda keçirilən aksiyada 100-150-yə yaxın qadın iştirak edib. Su şırnaqlarının görünməsindən sonra etirazçılar suyun təsirindən qorunmaq üçün qışqıraraq binaların kənarlarına qaçıblar.