Azərbaycanda ötən ilin dekabr ayında məhsul və xidmətlərin ən çox yüksəldiyi iqtisadi rayonlar məlum olub.
KONKRET.az xəbər verir ki, bu barədə Trend Dövlət Statistika Komitəsindən məlumat əldə edib.
Belə ki, 2024-cü ilin dekabr ayında qida məhsulları, içkilər və tütün məmulatları üzrə ən çox bahalaşma Abşeron-Xızı iqtisadi rayonunda (əvvəlki aya nisbətən 2,7% çox), qeyri-qida məhsulları üzrə isə Naxçıvan Muxtar Respublikasında (əvvəlki aya nisbətən 1% çox) qeydə alınıb.
Sözügedən dövr ərzində qida məhsulları, içkilər və tütün məmulatları üzrə ən az bahalaşma isə Şirvan-Salyan iqtisadi rayonunda (əvvəlki ayla müqayisədə 1,3% çox), qeyri-qida məhsulları üzrə Mil-Muğan iqtisadi rayonunda (əvvəlki aya nisbətən 0,1% az) olub.
Hesabat dövründə xidmətlər üzrə ən çox qiymət artımı Qazax-Tovuz iqtisadi rayonunda (əvvəlki ayla müqayisədə 0,8% çox), ən az isə Naxçıvan muxtar Respublikası, Şəki-Zaqatala və Şirvan-Salyan iqtisadi rayonlarında (əvvəlki ayla müqayisədə dəyişməz qalıb) qeydə alınıb.
Azərbaycanın iqtisadi rayonları üzrə 2024-cü ilin dekabr ayında istehlak qiymətləri indekslərini (əvvəlki aya nisbətən, faizlə) təqdim edirik:
Azərbaycanın iqtisadi rayonları üzrə 2024-cü ilin noyabr ayında istehlak qiymətləri indeksləri (əvvəlki aya nisbətən, faizlə) təqdim edirik:
| Cəmi məhsullar və xidmətlər | Qida məhsulları, içkilər və tütün məmulatları | Qeyri-qida məhsulları | Xidmətlər | |
| Bakı şəhəri | 101,0 | 101,8 | 100,1 | 100,5 |
| Naxçıvan Muxtar Respublikası | 101,1 | 101,9 | 101,0 | 100,0 |
| Abşeron-Xızı | 101,3 | 102,7 | 100,4 | 100,2 |
| Dağlıq Şirvan | 101,2 | 102,0 | 100,8 | 100,2 |
| Gəncə-Daşkəsən | 101,2 | 102,5 | 100,5 | 100,1 |
| Qarabağ | 101,0 | 101,7 | 100,0 | 100,7 |
| Qazax-Tovuz | 101,2 | 101,9 | 100,3 | 100,8 |
| Quba-Xaçmaz | 100,9 | 102,1 | 100,1 | 100,2 |
| Lənkəran-Astara | 101,0 | 101,9 | 100,1 | 100,6 |
| Mərkəzi Aran | 100,7 | 101,7 | 100,0 | 100,1 |
| Mil-Muğan | 100,9 | 101,8 | 99,9 | 100,6 |
| Şəki-Zaqatala | 100,9 | 102,0 | 100,0 | 100,0 |
| Şərqi Zəngəzur | … | … | … | … |
| Şirvan-Salyan | 100,6 | 101,3 | 100,1 | 100,0 |
Qeyd edək ki, 2024-cü ildə istehlak qiymətləri indeksi 2023-cü illə müqayisədə 102,2%, o cümlədən qida məhsulları, içkilər və tütün məmulatları üzrə 101,3%, qeyri-qida malları üzrə 101,6%, əhaliyə göstərilən ödənişli xidmətlər üzrə 104,0% təşkil edib.