Azərbaycanda bu ilin noyabr ayında məhsul və xidmətlərin ən çox yüksəldiyi iqtisadi rayonlar məlum olub.

Bu barədə KONKRET.az Dövlət Statistika Komitəsindən məlumat əldə edib.

Belə ki, cari ilin noyabrında qida məhsulları, içkilər və tütün məmulatları üzrə ən çox bahalaşma Gəncə-Daşkəsən iqtisadi rayonunda (əvvəlki ilin eyni dövrünə nisbətən 1,9% çox), qeyri-qida məhsulları üzrə isə Bakı şəhərində (əvvəlki ilin eyni dövrü ilə müqayisədə 1,6% çox) qeydə alınıb.

Sözügedən dövr ərzində qida məhsulları, içkilər və tütün məmulatları üzrə ən az bahalaşma Naxçıvan Muxtar Respublikasında (əvvəlki ilin müvafiq dövrü ilə müqayisədə 0,5% çox), qeyri-qida məhsulları üzrə isə Abşeron – Xızı iqtisadi rayonunda (ötən ilin eyni dövrünə nisbətən 0,7% az) olub.

Qeyd edək ki, 2024-cü ilin yanvar-noyabr aylarında istehlak qiymətləri indeksi ötən ilin müvafiq dövrü ilə müqayisədə 102,0 faiz, o cümlədən qida məhsulları, içkilər və tütün məmulatları üzrə 101,0 faiz, qeyri-qida malları üzrə 101,5 faiz, əhaliyə göstərilən ödənişli xidmətlər üzrə 103,8 faiz təşkil edib.

Azərbaycanın iqtisadi rayonları üzrə 2024-cü ilin noyabr ayında istehlak qiymətləri indeksləri (əvvəlki aya nisbətən, faizlə) təqdim edirik:/trend

	Cəmi məhsullar və xidmətlər	Qida məhsulları, içkilər və tütün məmulatları	Qeyri-qida məhsulları	Xidmətlər
Bakı şəhəri	101,3	101,2	101,6	101,1
Naxçıvan Muxtar Respublikası	100,3	100,5	100,3	100,0
Abşeron-Xızı	100,5	101,8	99,3	100,1
Dağlıq Şirvan	100,7	101,3	100,2	100,2
Gəncə-Daşkəsən	100,8	101,9	100,3	99,7
Qarabağ	100,9	101,7	100,3	100,3
Qazax-Tovuz	100,9	101,5	100,2	100,5
Quba-Xaçmaz	100,8	101,7	100,2	100,1
Lənkəran-Astara	100,8	101,5	100,1	100,3
Mərkəzi Aran	100,7	101,4	100,1	100,4
Mil-Muğan	100,6	101,4	99,8	100,4
Şəki-Zaqatala	100,7	101,7	99,9	100,1
Şərqi Zəngəzur	…	…	…	…
Şirvan-Salyan	100,5	100,9	100,0	100,3