ABŞ-ın “SquareTrade” sığorta şirkətinin məlumatına görə, Avropada oğurlanan beş telefondan ikisi Böyük Britaniyanın payına düşür.

KONKRET.az lent.az-a istinadla xəbər verir ki, , şirkətə edilən iddiaların təhlili göstərib ki, şirkətin 12 Avropa bazarında bütün telefon oğurluqlarının 39 faizi Böyük Britaniyada baş verib, baxmayaraq ki, bu ölkənin şirkətin Avropadakı müştərilərinin cəmi 10 faizini təşkil edir.

Bununla belə, Böyük Britaniyada telefon oğurluğu hesabatları 2021-ci ilin iyun ayından bəri 425 faiz artıb və İngiltərədəki telefon oğurluqlarının 42 faizi Londonda baş verib. Ümumilikdə bu, Avropadakı bütün telefon oğurluqlarının 16 faizini təşkil edir.

London Polis Xidməti bildirib ki, 2024-cü ildə paytatda bazar dəyəri təxminən 20 milyon funt sterlinq olan 80 minə yaxın telefon oğurlanıb. Ən çox zərər çəkənlər iPhone olub.

Telefon oğurluğu üzrə ixtisaslaşan polis rəisi Ceyms Konvey deyib ki, telefon oğurluğu qruplar arasında daha çox yayılıb, bunun səbəbi qismən də xarici bazarlarda bu cür qurğulara tələbatın artmasıdır.