Ermənistan Müdafiə Nazirliyi ölkənin bu il keçiriləcək Kollektiv Təhlükəsizlik Müqaviləsi Təşkilatı (KTMT) təlimlərində iştirakı məsələsinə münasibət bildirib.

KONKRET.az xəbər verir ki, bu barədə “Sputnik Armenia” yazıb.

Nazirlik bildirib ki, KTMT-nin təlimlərində iştirak məsələsi Təşkilatın hər bir üzvü tərəfindən təlimlərin elan edilməsi mərhələsində həll olunur.

Xatırladaq ki, ötən ilin noyabrında Təşkilatın o zamankı Birləşmiş Qərargah rəisi, general-polkovnik Anatoli Sidorov bu il təlimlərin Qazaxıstan və Qırğızıstanda keçiriləcəyini açıqlamışdı.

Ermənistan ötən ilin 9-13 oktyabrında Qırğızıstanda keçirilən KTMT-nin “Sarsılmaz qardaşlıq” hərbi təlimlərində iştirakdan imtina edib. Ölkə rəhbərliyi də Təşkilatın iclaslarında iştirak etməyib.