“Küçələrə çıxıb təşviqat aparmaq olmaz. Üstəlik, heç kimin təhlükəsizliyinə zəmanət vermək iqtidarında deyilsiniz – nə özünüzün, nə də bizim”.
KONKRET.az xəbər verir ki, bu barədə “Parlaq Ermənistan” fraksiyasının rəhbəri Edmon Marukyan bu gün bəyan edib.
Marukyan qeyd edib ki, hüquq-mühafizə orqanlarının əməkdaşları onu bir ay əvvəl Respublika meydanından təhdid edən şəxsi hələ də tapa bilməyiblər. “Bu şəxs tutulmayıb, həbs olunmayıb. Bu problemi həll edə bilmirsinizsə, başqaları ortaya çıxacaq. Başqa şeylər edəcək, başqa insanlar incidiləcək. Zorakılığın istənilən təzahürünü qınayıram, hamını təmkinli olmağa çağırıram. Ancaq bugünkü hadisələr göstərdi ki, erkən seçki təşkil edə bilməyəcəksiniz. Və belə bir şəraitdə erkən seçkilərdən danışarkən anlamalısınız ki, bu seçkilər qanla dolacaq. Siz ölkəni qan tökülməsinə və qarşıdurmalara aparırsınız ”.