Ermənistan Rusiya ilə münasibətlərin hazırkı vəziyyətindən razı deyil.
KONKRET.az xəbər verir ki, bunu ABŞ-ın Rusiyadakı səfirliyinə namizəd Lin Treysi deyib. O bildirib ki, Ermənistanı Rusiya ilə münasibətlərin hazırkı vəziyyəti qane etmir.
O, ABŞ Senatının Xarici Əlaqələr Komitəsində namizədliyinə baxılmasına həsr olunmuş dinləmələrdə çıxış edib. ABŞ Prezidenti Co Bayden tərəfindən ABŞ-ın Rusiyadakı səfiri vəzifəsinə irəli sürülməzdən əvvəl Treysi İrəvanda eyni vəzifədə olub.
“Rusiya mövzusuna nəzər salanda düşünürəm ki, problem bundadır və ermənilər özləri də belə deyirlər: Rusiya ilə keçmiş və indiki münasibətlərin bəziləri bu gün Ermənistanın ehtiyaclarına cavab vermir. Düşünürəm ki, biz – ABŞ və Ermənistan – indi növbəti mərhələdəyik. Biz (amerikalılar – red.) Ermənistana necə kömək edə biləcəyimizlə bağlı çox mühüm danışıqlar aparırıq.
Deyim ki, Rusiyanın rol oynadığı və bizim diqqət yetirməli olduğumuz bir çox təhlükəsizlik problemləri var”, – amerikalı diplomat əlavə edib.
Xuraman Etibarlı,
KONKRET.az