İrəvanın Davitaşen inzibati rayonunun keçmiş rəhbəri Ruslan Bağdasaryana (Ermənistan Milli Məclisinin keçmiş deputatı Ruben Gevorqyanın (Tsaxik Rubo) qardaşı oğlu) ittiham irəli sürülüb. Bu barədə Ermənistan Baş Prokurorluğunun mətbuat xidməti məlumat yayıb.
KONKRET.az bildirir ki, ibtidai istintaq orqanı məhkəmə qarşısında Bağdasaryanın tutulması üçün vəsatət qaldırıb.
Xatırladaq ki, Davitaşenin keçmiş icra başçısı, 2012-2018-ci illərdə bu vəzifədə olduğu müddətdə Davitaşen xeyriyyə fondunun qəyyumlar şurasının sədri olmuş, xüsusilə böyük həcmdə vəsaitin mənimsənilməsində, sənədlərin saxtalaşdırılmasında ittiham olunur.