Ermənistan parlamenti Avropa İttifaqına daxil olmaq üçün referendum təşəbbüsünü dəstəkləyib. Referendumun keçirilməsiylə bağlı səsvermədə 70 deputat iştirak edib. Onlardan yalnız 7 nəfər əleyhinə səs verib. Parlamentdə təmsil olunan “Ermənistan” bloku səsvermədə iştirak etməyib. “Mənim Şərəfim Var” bloku isə əleyhinə səs verib.

KONKRET.az xəbər verir ki, səsvermədən sonra Ermənistandakı siyasi qüvvələr dərhal hərəkətə keçib. Politoloq Stepan Danielyan parlamentin bu qərarını pisləyib. O bildirib ki, Nikol Paşinyan Ermənistanı karton xəritəsi ilə əvəzləyib:

“Əsl Ermənistan əhalinin əhəmiyyətli hissəsinin ödəmə qabiliyyətini nəzərə almayan hökumətin nəqliyyat qiymətlərini və vergiləri əsassız artırmasıdır. Əsl Ermənistan heç bir vəzifə tutmadan dövlət başçısının səlahiyyətlərini öz üzərinə götürən Paşinyanın həyat yoldaşının anti-konstitusion fəaliyyətidir. Əsl Ermənistan qorunmayan sərhədlər, demoqrafik böhrandır. Əsl Ermənistan onun qeyri-peşəkar komandası, düşünülməmiş qərarları, uğursuz təşəbbüsləri, dövlət borcunun görünməmiş artımı, büdcə kəsiri, uğursuz islahatlar, ictimai etimadın azalmasıdır. Əsl Ermənistan onun özünün, ailəsinin və komandasının iştirak etdiyi korrupsiya kampaniyasıdır. Deməli, tarixi Ermənistana keçməzdən əvvəl “Real Ermənistan”ın problemlərini düzəltmək lazımdır”, – Danielyan vurğulayıb.

Vəli Həsənoğlu,

KONKRET.az