Bu gün Azərbaycanın qazandığı tarixi qələbəni bəzi erməni ekspertlər təqdir edir.

KONKRET.az xəbər verir ki, erməni bloger İşxan Verdyan da Azərbaycanın gözlənilən qələbəsinə münasibət bildirib: “Biz səmimi olmalı və etiraf etməliyik ki, Azərbaycan Prezidenti İlham Əliyev mümkün olmayanı bacardı. O, bütün “sivil dünyanın” təzyiqlərinə baxmayaraq, öz ölkəsinin torpaqlarını tamamilə geri qaytarmağa və öz ərazisindəki millətlərarası münaqişəni praktiki olaraq dayandırmağa nail oldu.

Bu nailiyyətin ciddiliyini düzgün başa düşmək üçün xatırlamaq kifayətdir ki, son otuz ildə heç bir etnik münaqişə belə başa çatmayıb. Bunu nəzərə alsaq, əminliklə deyə bilərik ki, İlham Əliyev inanılmazı gerçəkləşdirdi.

Əgər Azərbaycan Prezidenti Qarabağ ermənilərinin Azərbaycan cəmiyyətinə inteqrasiyasını ən yüksək səviyyədə həyata keçirə bilsə, o zaman onu əminliklə planetin ən böyük siyasətçilərdən biri hesab etmək olar”, – deyə Verdyan bildirib.

Vəli Həsənov,

KONKRET.az