Fransanın xarici işlər naziri Jan-Noel Barro Avropa İttifaqının (Aİ) Rusiyaya qarşı 2022-ci ildən bəri tətbiq ediləcək ən sərt sanksiyalar paketinə hazırlaşdığını bəyan edib.
KONKRET.az xəbər verir ki, Nazir bu barədə LCI telekanalına verdiyi açıqlamada bildirib:
“Aİ, amerikalı senatorlarla koordinasiyalı şəkildə və Fransa təklifləri əsasında son üç ilin ən sərt sanksiyalarını hazırlayır.”
Onun sözlərinə görə, yeni sanksiyalar Rusiyanın neft gəlirlərini, maliyyə sektorunu və Moskvanın sanksiyaları dolanmasına kömək edən üçüncü ölkələrdəki vasitəçiləri hədəfə alacaq.
Natiq Səlim,
KONKRET.az