Google xəstəliklərə səbəb olan nadir genetik pozğunluqları aşkar etməyə kömək edə biləcək yeni süni intellekt modeli hazırlayıb.

KONKRET.az xəbər verir ki, AlphaMissense adlanan yeni model genlərdə bütün mümkün “yanlış” variantların 89 faizini inamla təsnif edə və onların xəstəliklərə səbəb olub-olmadığını müəyyən edə bilər.

Bu kiçik dəyişiklik əhəmiyyətli təsir göstərə bilər. Google bunu bir sözdə bir hərfin dəyişdirilməsinin bütün cümlənin mənasını necə dəyişə biləcəyinə bənzədir.

Yeni AlphaMissense mutasiyaları və onların insanlarda nə qədər yaygın olduğu haqqında mövcud bilikləri nəzərdən keçirir.

Nadir olanları axtarır, onları patogenlər kimi təsnif edir və bu məlumatdan digər protein ardıcıllığını təhlil etmək üçün istifadə edir. O, bu mutasiyaların nəinki problemlərə səbəb olub-olmadığını, həm də onların nə dərəcədə təhlükəsiz olduğunu müəyyən edə bilir.

Bu, müxtəlif xəstəlikləri həm aşkar etmək, həm də müalicə etmək üçün süni intellektdən istifadə etməyi qarşısına məqsəd qoyan “Google”un Deepmind bölməsinin səhiyyə sahəsində ən son nailiyyətidir.

Yeni sistem zülalların yaranmasına kömək edən və yenilikçi model olan AlphaFold üzərində qurulub.

Rəsmiyyə Şərifova,

KONKRET.az