Göyçay rayon Bahəddin Mirzəyev küçəsində sahibkar 1979-cu il təvəllüdlü Mustafayev Samir Vidadi oğluna məxsus yeşik düzəldilən sexdə yanğın baş verib.

KONKRET.az Bizim.Media-ya istinadən xəbər verir ki, yanğın zamanı sexin 300 kv metr ərazisi içərisindəki invertarlarla birlikdə yanıb.

Hadisə yerinə FHN-nin Göyçay Yanğından Mühafizə Hissəsinin canlı qüvvəsi və texnikası cəlb olunub. Yanğın söndürülüb və genişlənməsinin qarşısı alınıb. Yanğının yeşik sexinin emal hissəsində başladığı və qısaqapanmadan baş verdiyi bildirilir.

Fakt araşdırılır.