Müxalif gürcü deputatı Giorgi Vaşadzenin parlamentdə çıxışı zamanı üzərinə su töküblər.

KONKRET.az xəbər verir ki, Gürcüstan mediası məlumat yayıb.

Məlumata görə, buna deputatın “Xarici agentlər haqqında” qanunu və hakim partiyanı tənqid etməsi səbəb olub.

Suyu atan şəxsin parlament çoxluğunun nümayəndələrindən biri olduğu bildirilir.

Qeyd edək ki, bu gün Gürcüstan parlamenti ölkə Prezidenti Salome Zurabişvilinin “Xarici agentlər haqqında” qanuna qoyduğu vetonu 84 səslə dəf edib.