“ASAN xidmət” mərkəzlərindəki “ASAN növbə” terminallarında “Seçici statusunu yoxla” adlı xüsusi bölmə yaradılıb.

KONKRET.az xəbər verir ki, bununla seçicilər ölkə üzrə bütün “ASAN xidmət” mərkəzlərində seçici statusunu yoxlaya biləcəklər.

Qeyd olunur ki, vətəndaşlar şəxsiyyət vəsiqələrini qeyd olunan yerdə oxudaraq, adlarını seçici siyahısında yoxlaya və hansı seçki məntəqəsində səs verməli olduqlarını öyrənə bilərlər.

Sözügüdən innovativ həll MSK və “ASAN xidmət”in birgə layihəsi çərçivəsində reallaşdırılıb.