İsrail Müdafiə Qüvvələrinin sözçüsü Daniel Haqari HƏMAS hərəkatının Qəzza zolağının şimalına nəzarəti itirdiyini bildirib.

KONKRET.az xəbər verir ki, bu barədə “The Times of Israel” nəşri yazıb.

Onun sözlərinə görə, noyabrın 8-də anklavın 50 minə yaxın sakini humanitar dəhliz vasitəsilə cənuba təxliyə edilib.

“Biz Qəzza şəhərinə hücumu dərinləşdirməyə və mülki obyektlərə bitişik tunelləri bağlamağa davam edirik”, – sözçü vuğulayıb.

Haqari qeyd edib ki, atəşkəs üçün heç bir plan yoxdur, lakin İsrail ordusu mülki əhalinin təxliyəsi üçün “humanitar fasilələr” tətbiq edir.