ABŞ və Kanada donanmasına aid iki döyüş gəmisi Tayvan boğazından keçərkən Çin Xalq Azadlıq Ordusu buna reaksiya verib.

KONKRET.az xəbər verir ki, Şərq Cəbhəsi Komandanlığından verilən açıqlamada qanun və qaydalara uyğun olaraq gəmilərin təqib edildiyi qeyd edilib.

ABŞ-ın Sakit Okeandakı 7-ci Donanması tərəfindən edilən açıqlamada isə Kanada Kral Donanmasının Arleigh Burke” idarə olunan raketi və “Halifax” sinifli Ottava kruizini daşıyan Ralph Johnson gəmisinin müntəzəm olaraq Tayvan boğazını keçdiyi ifadə edilib.

Bəyanatda açıq dənizdə üzmə və uçuş azadlığının qüvvədə olduğu sulardan keçidin beynəlxalq hüquq normalarına uyğun olduğu vurğulanıb.

“USS Ralph Johnson və HMCS Ottawa-nın Tayvan boğazından keçməsi Birləşmiş Ştatların müttəfiqləri və tərəfdaşları ilə birlikdə azad və açıq Hind-Sakit okean regionuna sadiqliyini nümayiş etdirir”, – deyə məlumatda bildirilir.

Keçid ABŞ və Kanada hərbi gəmilərinin bu il Tayvan boğazında həyata keçirdiyi ikinci kruiz əməliyyatıdır. ABŞ-ın “Çunq-Hun” gəmisi və Kanadanın “Monreal” freqatı hələ bundan əvvəl iyunun 3-də Tayvan boğazından keçib.

Keçid zamanı Çin donanmasının hərbi gəmisi Amerika gəmisinə yaxınlaşaraq təhlükəli manevr edib.

Tayvan adasını öz ərazisinin bir hissəsi, Tayvan boğazını isə ərazi suları hesab edən Çin ABŞ-ın bölgədəki hərbi mövcudluğuna qarşıdır. Demək olar ki, ABŞ donanmasının bölgədəki naviqasiya və kəşfiyyat fəaliyyətləri iki ölkə arasında gərginliyə səbəb olub.

Rəsmiyyə Şərifova,

KONKRET.az